I don dey married to my husband for almost 4yrs now but we never get pikin. So towards the ending of last Month, wey be February, naim my husband, wake me up in the middle of the night, come tell me say e get one serious matter wey him one follow me talk.
I wake up, sidon come open my heart and ear well to listen to dis important discussion wey make my husband to wake me up in the middle of night, something wey him never do before since we don dey married for almost 4yrs now.
My people, wen my husband finally open him mouth to tell me the matter, blood almost dry for my body. My husband say make I no dey worried about our childlessness because the fault no be from me, say the fault na from him, say even though everything wey concern am as a man dey ok, him no fit give woman belle, say the matter be like e from him family.
Him tell me say, even him elder brother get the same problem. I come ask say, shey him brother get three lovely children, my husband say na the reason wey him wan follow me talk me that, say no be him brother dey pregnant him wife to bear those children, say him dey plan with another man to help am give the wife belle, with the knowledge of him wife and the wife accept the condition since she come to know about the husband weakness.
My husband say na the secret wey him wan tell be be that, say himself don make arrangement with one of him very close friend wey don agree to the deal.
Ma pipo, body weak me wen I hear dis talk from my husband. I ask my husband brother wife, she tell me say, she don accept the situation like that because she love her husband, but me I no wan live dis kind of false life o. I take the matter to my parent, my Papa no see anything wrong with the arrangement but my mother say, over her death body for me to live that kind of life.
My people, I dey confuse on top dis matter.
Abeg na wetin una advice me to do for dis kind situation?
Make una shook mouth put.
No comments:
Post a Comment